好多人北上洗牙，見到醫生名牌寫住「執業助理醫師」，個心即刻好多問號：
「助理？咁即係唔係真醫生？」
「搵佢整牙安唔安全㗎？」
今日就一炮過同大家解密！其實，你可能誤會咗啦！
歐美與香港：牙醫其實不親自洗牙？
其實喺香港同歐美，洗牙、清牙石呢啲日常護理，好多時都係由專業嘅「牙科衞生員 (洗牙師)」負責，牙醫專注做手術、杜牙根呢啲複雜嘢。
中國內地：沒有「洗牙師」，但有「執業助理醫師」！
在內地的法規中，並沒有獨立的洗牙師執業牌照。洗牙被定義為醫療行為，必須由醫生操作。
所以，「執業助理醫師」就係國家認可嘅初級醫生，專門喺資深醫生嘅指導下，負責類似香港「洗牙師」嘅基礎工作！
執業助理醫師可以完成以下標準化、低風險、基礎性嘅工作：
專業洗牙： 清牙石、超聲波潔牙。
簡單補牙： 處理未蛀到神經嘅淺、中度蛀牙。
口腔護理教學： 教你點樣正確刷牙、用牙線。
基本蛀牙預防： 幫小朋友做塗氟、窩溝封閉。
*註：需要執業醫師(執業醫生)在機構內指導及監督，及在需要時可隨時提供支援
執業助理醫師限制：
喺洗牙或檢查期間，只要發現以下問題，佢哋一定要即刻轉介俾資深嘅執業醫師跟進：
蛀牙太深，需要杜牙根
需要拔智慧齒或進行複雜的手術
病人有嚴重的牙周病或牙齦出血不止
發現有種牙或箍牙的需求
牙醫溫馨提示：
所以大家去內地洗牙或做基本檢查，見到執業助理醫師唔使驚！佢哋係合法合規嘅。
但最最最重要嘅大前提係：間診所一定要有正式嘅執業醫師坐鎮監督！如果成間診所連一個正式醫生都冇，或者個助理醫師話要幫你杜牙根、剝智慧齒，咁就絕對有問題，記得要快啲走人！
#愛康健 #CKJ #醫療券 #牙科科普 #執業助理醫師 #內地睇牙 #洗牙 #牙科衞生員 #口腔健康 #專業分工 #醫生分級 #睇牙攻略 #深圳睇牙 #深圳愛康健口腔醫院 #深圳牙科
